الرئيسيةبحـثالتسجيلدخول

شاطر | 
 

  نكت مغربية----آش خسرت(ي) ادا ضحكت(ي)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ranjaa
مراقبة عامة
مراقبة عامة
avatar

عدد المساهمات : 278
تاريخ التسجيل : 09/04/2012

مُساهمةموضوع: نكت مغربية----آش خسرت(ي) ادا ضحكت(ي)    الإثنين أبريل 09, 2012 10:03 am

نكت مغربية






أستاذ ديال الإنجليزية قال لواحد التلميد: دير ليا
She has
في جملة مفيدة
قال ليه التلميذ : شي هاز اللحم وشي هاز الهم




هادا واحد معصب ما كيحملش يعاود الهدرة جوج مرات
مشى عند واحد الحانوت قال ليه: عندك الحليب؟
قال ليه مول الحانوت: لا
مشى المعصب عند حانوت اخر وقال ليه: و نتا؟





واحد الغليض مشى عند الطبيب وقال ليه: بغيت ندير ريجيم، تقهرت بهاد الغلض
قال ليه الطبيب: كول نص خبزة ف الفطور، ونص خبزة ف الغدا، ونص خبزة ف العشا
قال ليه الغليض: واش قبل الماكلة أولا بعد منها؟






هادي واحد المرا كبيرة وحشومية بزاف مشات تقرا ف محو الأمية
وكان العنوان ديال الدرس : دخل أحمد، خرج أحمد
ملي تقول المعلمة: دخل أحمد، كدير المرا الزيف على راسها
وملي تقول المعلمة: خرج أحمد، كتحيد المرا الزيف على راسها
ملي مشات للدار، قال ليها راجلها: آشنو قريتو اليوم؟
قالت ليه: علاه احمد خلانا نقراو؟ ها هو داخل، ها هو خارج



واحد السيدة حطات ثوب عند الخياط باش يصوب ليها جلابة
ملي جات تاخذها، قيساتها قدامو وجاتها قصيرة
الخياط عرف راسو قفرها، قال ليها: طواليتي يا العفريتة


واحد المكلخ سول صاحبو : بغيت نبيع الطوموبيل ديالي 205 بشي ثمن غالي، أش ندير؟؟
قال ليه صاحبو : مسح ديك 205 و كتب مرسيدس و لا بي ام
دازت مدة، سوله صاحبو : إيوا، بعتي الطوموبيل ؟؟
قال ليه المكلخ : واش تسطيتي؟ كاين شي واحد كيبيع البي ام ؟؟!!



واحد السيد ديما كتعايرو مرتو: الناس ݣ‬اع مشاو للطاليان، ونتا باقي هنا
هو يقول ليها: شوفي، أنا غادي نجلس فالدار واحد الشهر، واللي يسولك علي، ق‬ولي ليه مشى للطاليان
قالت ليه واخا
اللي يسولها كتق‬ول ليه راجلي مشا للطاليان
واحد النهار، سمع ولدو ضربو شي واحد ف الزنقة
هو يطل من الشرجم، وقال ليه: واخا عليك حتى نرجع من الطاليان ونوريك




واحد الموضف بغى يعيط للعساس يجيب ليه أتاي
وهو يغلط ف النمرة وصدق معيط على المدير ديالو
قال ليه: جيب ليا واحد أتاي للمكتب ديالي وطلق راسك أ الحمار
قال ليه المدير: واش عرفتي مع من كتهدر؟
قال ليه الموضف: لا
قال ليه المدير: أنا هو المدير أ الحيوان
قال ليه الموضف: ونتا عرفتي مع من كتهدر؟
قال ليه المدير: لا
قال ليه الموضف: إيوا الحمد لله
وهو يقطع



قررت شرطة المرور تكافئ كل واحد داير حزام السلامة
لقاو واحد مبوق سايق طوموبيلتو وداير الحزام، وعطاوه 2000 درهم
وسولوه: أشنو غادي تدير بهاد الفلوس؟؟
قال ليهم: نزيد عليهم ونمشي ندوز بيهم لبيرمي


هادا واحد الراجل دا ولدو للسوق باش يعلم ليه الألوان
ورا ليه ماطيشة وقال ليه: شوف أولدي، هادي ماطيشة وراها حمرة
واخا كتبان ليك صفرة، راه غير باقا خضرة


هادا واحد ماعمرو ما مشى للرباط...
نهار مشى ليها، لقا ف الدخلة ديالها بلاكة مكتوب عليها " الرباط سلا"...
هو يقول لصاحبو: هاد الرباط ما لقي ايمتا يسالي حتا جينا ليه حنا



أستاد د الفرنسية سول واحد التلميد ديالو: كيفاش كنقولو الصراحة راحة بالفرنسية؟
قال ليه التلميد
La vérité rité


واحد سخي بزاف تحرقات ليه دارو
ملي جاو البومبية قال ليهم والله يما تحطو ايديكم فشي حاجة قبل ما تشربو القهوة



أب سأل ولده: لو خيروك بين المال و العقل شنو تختار ؟
الولد قال: المال. الأب ابتسم وقال: أنا اختار العقل
. الولد قال: والله كل واحد يختار اللي ناقصو


هدا واحد بغى يسافر هو والحمار ديالو ...
مشى عند مول الكار قالو شحال تديني أنا و الحمار ؟
جاوبو : نتا 50 درهم و الحمار ب 10 درهم ..
وهو يعطيه 20 درهم قَََالو : وَ قْطَعْ 2 دلحمير.


واحد ساط سقرام وقف علا ساطة ديالو فسان ڢالونتان قال ليها شني بغيتي فلكادو: فلوس ولا تيليفون ديالي جديد .
ساطة دوراتها فدماغها مزيان قالت هاد ساط سقرام نقول ليه فلوس غادي يعتيني جدريالات اللهم تيليفون .قالت ليه تيليفون
.قالها أوكي.... أبداي تقيدي ..........06

سأل طفل صغير والده فقال : أبي كم يكلف الزواج؟
.

.
.
أجاب : لا أعلم يا ابني لازلت أدفع الثمن حتي الآن

إنزعج شاب من حبيبته من كثرة مطالبتها له بخاتم الزواج وتأجيله للموضوع

فأهداها دب صغير

فغضبت ورمت الدب في الطريق

وعندما جاء حبيبها ليلتقطه من الطريق صدمته سيارة ومات

وفي عزائه كانت تمسك بالدب وتحضنه بشدة وتبكي

تكلمت الآلة الموجودة داخل الدب : تتزوجيني الخاتم موجود في جيبي

فقالت والدموع تسيل من عيونها نعم أقبل

فرفع الشاب الكفن عن نفسه وقالها ييييييس!

فماتت البنت من الصدمة

ثم مات الشاب حزنا على حبيبته

وعاش الدب بسعادة




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
schoolel7ob
عضوة مميزة
عضوة مميزة


عدد المساهمات : 79
تاريخ التسجيل : 08/04/2012

مُساهمةموضوع: رد: نكت مغربية----آش خسرت(ي) ادا ضحكت(ي)    الإثنين أبريل 09, 2012 12:48 pm

طررح يستح ـق ـآآلمتـأبع ــــهـ
ـآآالله لآيحرمنـــــآ طلآتكـِ
بإنتـظـاآآر جديدكـِ ـآآالمميـــز
دووووم ـآآلتميــز
تقبلي خـالص وـآآأرق التح ــآياا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ranjaa
مراقبة عامة
مراقبة عامة
avatar

عدد المساهمات : 278
تاريخ التسجيل : 09/04/2012

مُساهمةموضوع: رد: نكت مغربية----آش خسرت(ي) ادا ضحكت(ي)    الأربعاء أبريل 11, 2012 3:21 pm

شكراً حبوبة لمرورك على صفحتي شرفتيني ورح وجد لك كاس شاي {ضيافة }


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت مغربية----آش خسرت(ي) ادا ضحكت(ي)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القفطان المغربي :: القسم العام :: منتدى مسابقات الترفيه والطرائف-
انتقل الى: